Kërcënimi për bombë i cituar nga autoritetet Bjelloruse si arsyeja për të detyruar një avion Ryanair, që mbante një gazetar disident, të zbarkonte në Minsk u dërgua pasi avioni ishte ridrejtuar, tha të enjten Proton Technologies AG, provider e-maili.
Autoritetet bjelloruse thanë se ata urdhëruan që aeroplani, i cili ishte në hapësirën ajrore bjelloruse gjatë rrugës nga Greqia për në Lituani, të ulej në kryeqytetin bjellorus të dielën, për shkak të një kërcënimi për bombë nga grupi militant islamist Hamas.
Gazetari Roman Protasevich dhe e dashura e tij Sofia Sapega u arrestuan kur aeroplani u ul.
Hamas ka mohuar të ketë ndonjë njohuri ose lidhje me ndonjë kërcënim me bombë dhe udhëheqësit evropianë kanë akuzuar Bjellorusinë për ‘piraterinë’ e sponsorizuar nga shteti.
Të mërkurën, grupi kërkimor me qendër në Londër ‘Dossier Center’ lëshoi atë që e cilësoi si një email që përmbante kërcënimin e pretenduar të Hamasit. E-maili u dërgua 24 minuta pasi autoritetet bjelloruse paralajmëruan ekuipazhin e avionit se kishte një kërcënim për bombë.
Koha e postës elektronike u raportua së pari nga revista Daily Beast dhe Neëlines.
Protoni nuk pranoi të komentonte mbi specifikat e mesazhit, por konfirmoi se ai ishte dërguar pasi avioni ishte rrëmbyer.
“Ne nuk kemi parë prova të besueshme se pretendimet bjelloruse janë të vërteta,” tha kompania zvicerane në një deklaratë. “Ne do të mbështesim autoritetet evropiane në hetimet e tyre pasi kemi marrë një kërkesë ligjore”.
