Biznesmeni Behgjet Pacolli dhe kompania e tij “MabCo Sontructions” ka paditur Qeverinë e Kosovës, konkretisht ministrinë e Drejtësisë, të cilin e ka çuar në Gjykatën e Arbitrazhit.
Gjykata e Arbitrazhit, e njohur si Qendra Ndërkombëtare për Zgjidhjen e Mosmarrëveshjeve të Investimeve, e ka publikuar këtë informacion në faqen e Bankës Botërore, ku thuhet se subjekti i mosmarrëveshjes është “blerja e aksioneve” dhe hyn tek sektori i turizmit.
Padia e kompanisë në pronësi të Pacollit ka të bëjë me rastin e Hotel Grandit, të cilin Pacolli e kishte blerë e më pas i ishte anuluar ky privatizim. Kjo temë ka qenë një ndër më të komentuarat në vitet e fundit në Kosovë, sa i përket skandaleve të privatizimit në vend.
