Biznesmeni Andrea Zoga, i cili u dhunua nga persona ende të paidentifikuar, ka treguar detaje nga ngjarja e rëndë. Ai ka deklaruar se e kanë dhunuar për shkak të një konflikti që vëllai i tij ka me disa persona të tjerë, për çështje pronësie.
Lidhur me rastin e tij, ai thotë se ka bërë denoncim në polici, dhe tek kryeministri Rama.
https://tiranatoday.com/i-zune-prite-afer-shtepise-biznesmenit-ia-nxijne-syte/
“Vëllai ka konflikt me persona të tjerë. Bëhet fjalë për një konflikt për pronën. Mbi këtë pronë është ndërtuar pallat dhe vëllai ka detyrim ndaj këtyre personave. Jam kërcënuar dhe më parë. E kam çuar çështjen në Prokurori.
Zonja e mbyll këtë çështje, pa e rihapur fare pasi nuk gjen prova. Sot pas një muaji pasi është mbyllur çështja, del një bandë që të dhunon në mes të rrugës. S’kam asnjë konflikt tjetër. Kam 20 vite në treg. Jam një nga sponsorat e Ambasadës Amerikane. Dallova vetëm dy persona me kapele që kishin ulur kokën, që po drejtoheshin drejt meje, që mos ti njihja. Më pas 4 persona mu sulen. Bëra denoncim në polici dhe tek kryeministri. I falenderoj. Kërkoj që të merren masa për këtë rast. S’kam asnjë konflikt. Ka kamera sigurie”, tha Zoga në një deklaratë për gazetarët, nga ambientet e Spitalit të Traumës.
