Prania e komunitetit të LGBTI-së në shkollat e mesme të kryeqytetit, ka shkaktuar debate të shumta në opinionin publik. Kjo qasje natyrisht ka patur qëndrime të ndryshme, të cilat janë shoqëruar me argumente pro dhe kundër fushatës së tyre në shkollat e Tiranës.
Në emisionin “Zone e Lirë” të Arian Çanit është diskutuar për këtë tematikë, ku të pranishëm ishin përfaqësues të vetë komunitetit LGBTI-së. Por, ajo që tërhoqi më shumë vëmendjen ishte deklarata e një biznesmeni, i cili e ka pranuar publikisht se është homoseksual. Ai ka dënuar ashpër praninë e komunitetit të LGBTI-së në shkolla e mesme.
Biznesmeni është Elton Ilirjani me profesion inxhinier, ku përmes komunikimit me telefon është bërë pjesë e debatit në studio, ndërsa është shprehur kundër duke dënuar praninë e përfaqësuesve të LGBTI-së në shkolla. Kujtojmë se Eltoni është një biznesmen i suksesshëm dhe drejton kompani me shtrirje ndërkombëtare. Ai jeton në Shtetet e Bashkuara të Amerikës.
