Cristiano Ronaldo është duke u përballur me akuzat për përdhunim nga një ish-modele amerikane, ngjarje e cila supozohet të ndodhë në 2009-ën. Por e gjithë kjo histori e cila ka tronditur botën e futbollit, nuk e ka penguar një biznesmen që ta shfrytëzojë këtë çështje në favor të tij.
Lusitanian Jose Goncalves, pronar i një pastiçerie në Londër quajtur ““Our taste of Portugal” ka prodhuar biskota të cilat i ka “pagëzuar” thjesht me emrin “Biskotat Ronaldo”. Ato kanë formën e një çifti teksa kryejnë marrëdhënie seksuale.
Pronari i dyqanit, duhet të jetë shumë i kënaqur nga shitja e tyre, madje ai deklaroi se arrin të shesë 60 apo 70 copë në ditë. Madje ai shtoi se beson se Ronaldo është i pafajshëm në gjithë këtë histori.
Por një ide e tillë ka sjellë reagime të shumta. Shoqatat kundër dhunës ndaj grave, kanë protestuar pasi panë fotot e këtyre biskotave që po shpërndaheshin me shpejtësi në “Facebook”.
“Është me të vërtetë zhgënjyese që një njeri mund të mendojë se diçka e tillë është argëtuese”, shkruhej në postim e një prej shoqatave në mbrojtje të grave. Reagime kundër ka pasur edhe nga tifozë të futbollistit.
