Hashim Thaçi do të takohet sot me homologun e tij, presidentin Aleksander Vuçiç në Bruksel.
Takimi bëhet për fillimin e bisedimeve mes dy vendeve, me ndërmjetësimin e shefes për politikë të jashtme të Bashkimit Evropian, Federica Mogherini.
“Dy presidentët do të shkëmbejnë pikëpamjet mbi vazhdimin e bisedimeve për normalizimin e marrëdhënieve, pas pajtimit të tyre, në muajin korrik, që të fillojnë përgatitjet për një fazë të re të dialogut”, ka thënë zëdhënësja e BE-së, Maja Kocijançiç.
Dy presidentët zhvilluan një takim të ngjashëm më 3 korrik, ku u tha se Thaçi dhe Vuçiç kishin rënë dakord që marrëdhënia mes vendeve duhet të hyjë në një periudhë të re, ku do të diskutohen çështje më me peshë sesa aspektet teknike.
