Motra e Kim Jong-un ka hedhur poshtë shpresat për një përparim në bisedimet për armët bërthamore me SHBA, duke paralajmëruar Uashingtonin se do të përballej me “zhgënjim” nëse besonte se angazhimi me Korenë e Veriut ishte një mundësi.
Kim Yo-jong , një figurë e lartë në partinë në pushtet, që konsiderohet si një nga të besuarit më të afërt të liderit të Koresë së Veriut, tha se çdo pritje e SHBA-së për një rifillim të bisedimeve ishin “të gabuara”, sipas agjensisë shtetërore të lajmeve KCNA, shkruan The Guardian.
“Një fjalë e urtë koreane thotë se në ëndërr, ajo që vlen më shumë është ta lexosh, jo ta kesh. Duket se SH.B.A. mund ta interpretojë situatën në një mënyrë të tillë që të kërkojë një ngushëllim për veten e saj,” tha Kim.
Deklarata e saj, vjen një ditë pasi i dërguari i posaçëm i Koresë së Veriut të SHBA , Sung Kim, tha se Uashingtoni është i gatshëm për bisedime me Korenë e Veriut “kudo, në çdo kohë dhe pa kushte”.
Sung Kim, i cili ndodhet për një vizitë pesë-ditore në Seul, tha të hënën se shpresonte të shihte një reagim pozitiv nga Peniani zyrtar, por shtoi se sanksionet e vendosura nga SHBA mbi Korenë e Veriut do të qëndrojnë.
