Një nga burrat më të pasur në botë, Bill Gates, 64 vjeç, ka bërë disa parashikime të frikshme vite më parë. Gjatë një konference të mbajtur në vitin 2015, ai ka thënë se ajo çfarë i frikësohej lidhej me një katastrofë shëndetësore. Gates nuk trembej nga lufta, por nga mikrobet, të cilat do ‘shuanin’ botën.
“Kur isha një djalë i ri, shkatërrimi për të cilin shqetësoheshim ishte lufta bërthamore. Sot katastrofa më e madhe e mundshme nuk është ajo. Nëse diçka do të vrasë 10 milion persona në dekadat e ardhshme, është më e mundshme të jetë një virus dhe jo një luftë. Jo raketat, por mikrobet. Rreziku më i madh i një katastrofe globale i ngjan kësaj.
Kemi investuar shifra marramendëse për të parandaluar sulmet bërthamore, por kemi investuar shumë pak në një sistem, për të ndaluar një epidemi. Nuk jemi gati për të bllokuar epideminë e ardhshme”, ka thënë miliarderi Bill Gates.
Koronavirusi është një kërcënim për të gjithë botën. Organizata Botërore e Shëndetësisë ka dalë në përfundimin se epiqendra e re e koronavirusit tashmë është Europa.
Zyrtarët e OBSH-së e shpallën COVID-19 një pandemi globale, pasi virusi po përhapet me shpejtësi në të gjithë botën nga Azia në Evropë, Lindjen e Mesme dhe tani pjesë të Shteteve të Bashkuara.
