Miliarderi Bill Gates në vitin 2015-të paralajmëroi një numër të madh vdekjesh si pasojë e një pandemie mbarëbotërore.
Nisur nga kjo deklaratë dhe angazhimi i Fondacionit “Bill & Melinda Gates” me dhurimin e 300 milionë dollarëve për të luftuar COVID-19 dhe për të krijuar një vaksinë, disa grupe filluan përhapjen e teorive konspirative në internet duke theksuar që Gates fshihet pas koronavirusit dhe dëshiron që të përfitojë.
Ndërkohë së fundmi ka reaguar vetë miliarderi, duke i hedhur poshtë të gjitha këto aludime.
“Është pothuajse e vështirë të mohosh këto gjëra sepse janë budallalliqe dhe të çuditshme”, u shpreh ai në një intervistë të fundit, shkruan “BusinessInsider”.
