Dita e shpalljes së Pavarësisë së Kosovës është shoqëruar me urime të shumta, ndërsa nuk ka munguar me urimin e tij edhe ish- presidenti i Amerikës, Bill Clinton. Ish-Presidenti i SHBA-së, Bill Clinton ka dhënë një mesazh për Kosovën me rastin e dhjetë vjetorit të Pavarësisë.
Ai shkruan se Kosova gjithmonë do të ketë një vend në zëmrën e tij. Me anë të një video të publikuar në faqen e tij zyrtare në “Facebook”,ai shprehet: “Sot jam i gëzuar që t’iu uroj 10-vjetorin e pavarësisë qytetarëve te Kosovës. Ndërsa festoni 10-vjetorin e shpalljes së pavarësisë, them se Kosova gjithmonë do të ketë vend të veçantë në zemrën time. Dhe jam i lumtur që si ish-president i SHBA-ve mund t’ju ndihmoj në ndërtimin e një të ardhmeje në paqe, prosperitet dhe tolerancë. Vazhdoj të besoj se Kosova duhet të jetë anëtare me të drejtat të barabarta në Bashkimin Evropian, NATO dhe Kombet e Bashkuara. Për ta bërë këtë gjë, duhet të vazhdoni të punoni që t’i lini pas konfliktet e së shkuarës. Kjo do të thotë që Gjykata Speciale duhet të funksionalizohet. Demokracia e vërtetë është më shumë nuk është veç sundimi i shumicës. Është po aq edhe për të drejtat e pakicave.
Ish-presidenti shprehet dhe beson fort në të ardhmen e vendit, ndërkohë ndihet i përmbushur me ndihmën e dhënë në rrugëtimin e Kosovës drejt lirisë dhe demokracisë.
“U desh kurajë e madhe për të ulur armët dhe marrë në dorë lapsin. Kjo kurajë më bën të besoj në të ardhmen e ndritur të vendit tuaj. Ndaj u bashkohem në festimin e dhjetë-vjetorit të pavarësisë. Gjithmonë do të jem i nderuar që u ndihmova ta nisnit këtë rrugëtim. Dhe shpresoj që do të jem gjallë ta shoh krejt këtë punë të realizuar. Paçi fat!”-tha Bill Clinton.
