44 persona të vdekur, është bilanci tragjik pas përmbysjes së një trageti. Mediat e huaja raportojnë se në mjetin lundrues ndodheshin mbi 400 persona, e ndërsa 102 janë shpëtuar, pasi trageti u përmbys teksa lundronte në liqenin Viktoria të Tanzanisë. Një zyrtar vendas ka deklaruar paraprakisht se është konfirmuar vdekja e 44 personave.
Trageti u përmbys kur ndodhej pranë bregut mes ishujve Ukora dhe Bugolora. Banorët kanë bashkuar forcat me ekipet e shpëtimit, dhe po marrin pjesë në operacionet e kërkimit. Aksidentet janë të zakonshme në liqenin më të madh të Afrikës, ku mjetet lundruese nisen të tejmbushura me njerëz.
