Tregjet globale kanë rënë, pasi investitorët janë gjithnjë e më shumë të shqetësuar për një pushtim të mundshëm rus të Ukrainës. Kontratat e së ardhmes në SHBA janë gjithashtu më të ulëta, dhe tregjet aziatike e përfunduan seancën e së hënës me të kuqe. Kjo vjen pasi një numër vendesh u kanë thënë shtetasve të tyre që të largohen nga Ukraina, pas një jave masash diplomatike të dështuara, për të shmangur pushtimin rus.
Të hënën, Japonia u bë vendi i fundit që evakuoi shumicën e stafit të ambasadës së saj nga Ukraina, sipas kryesekretarit të kabinetit të vendit, Hirokazu Matsuno. Në një konferencë për shtyp, Matsuno tha se shumica e stafit të ambasadës japoneze në Kiev, po i kërkohet të largohet nga vendi nëpërmjet transportit tregtar, me vetëm personelin thelbësor që lejohet të qëndrojë.
Ndërkohë, Greqia u bëri thirrje qytetarëve të saj ende në Ukrainë, që të largohen nga vendi të hënën, duke u lutur atyre që mbeten të “ndajnë menjëherë detajet e kontaktit me Ambasadën Greke” në Kiev, tha Ministria e saj e Jashtme.
Burimi i lajmit: CNN. Përshtatur nga Tirana Today
