Faqet zyrtare të institucioneve, dalin sërish offline. Ky fakt bëhet i ditur nga Agjencia Kombëtare e Shoqërisë së Informacionit. Duke filluar nga ora 14:00 e ditës së sotme deri në mesnatë, mund të hasni vështirësi në aksesimin e faqeve qeveritare online.
Përmes një njoftimi, AKSH vë në dijeni qytetarët se do të kryejë një operacion mirëmbajtje të sistemeve dhe faqeve zyrtare të institucioneve publike. Në njoftimin thuhet më tej se kjo ndërhyrje do t’i shërbejë përmirësimit të mëtejshëm, në dhënien e shërbimeve publike online.
NJOFTIMI I AKSHI-t
Agjencia Kombëtare e Shoqërisë së Informacionit u bën me dije qytetarëve shqiptarë se sot në orën 14:00 deri në 23:59 do të kryejë një operacion mirëmbajtje të sistemeve dhe faqeve zyrtare të institucioneve publike.
Kjo ndërhyrje në vazhdën e përballjes me pasojat e sulmit kibernetik, do t’i shërbejë përmirësimit të mëtejshëm në dhënien e shërbimeve publike online. Kërkojmë mirëkuptimin e të gjithëve nëse gjatë ditës së sotme mund të hasni vështirësi në aksesin e çdo faqeje publike.
Faleminderit
