Rrjeti më i madh social ka rënë, duke shkaktuar çoroditje te miliona përdorues. Facebook-u ka shfaqur probleme pas orës 15:00, duke mos lejuar shkarkimin e fotove, publikimin apo kyçjen në këtë rrjet social.
Të paktën 3500 raportime nga e mbarë bota po bëhen momentalisht për problemet e shfaqura në Facebook, ndërsa ka pasur përdorues që janë irrituar me bllokimin e rrjetit më të madh social.
“Zuckerberg mjaft numërove paratë, por eja dhe rregullo Facebook-un”, shkruan një përdorues.
Problemet me përdorimin e Facebook janë shfaqur në shumë shtete, si Australi, Tailandë, Rumani, Amerikë, Belgjikë, Malajzi, Mbretëri e Bashkuar, Indi, Vietnam, Singapor, Filipine etj.
