Kandidati demokrat për president të Shteteve të Bashkuara, Joe Biden ka premtuar para elektoratit të tij se nëse fiton zgjedhjet, do të jetë president i të gjithëve.
Ai i bëri komentet para mbështetësve të tij në Filadelfia të Pensilvanisë.
“Ju premtoj, edhe pse garoj si demokrat krenar, nëse më zgjidhni mua, unë do të jem një president amerikan. Nuk do të ketë shtete të kuqe, ose të kaltra, vetëm Shtete të Bashkuara të Amerikës”, tha Biden.
Ndërkohë, Presidenti aktual, Donald Trump, i cili garon për mandatin e dytë, tha më herët se fushata e tij ka parë “ndryshime të jashtëzakonshme gjatë javës së fundit”, të cilat sinjalizojnë rizgjedhjen e tij.
Qytetarët amerikanë janë duke votuar sot në zgjedhjet për president.
