Gjashtë ministrat e rinj teknikë dhe zëvendëskryeministri i propozuar nga PD-ja janë betuar në Presidencë, pas votimit në Parlament me shumicë votash.
Ata u propozuan nga kreu i Partisë Demokratike, pas arritjes së marrëveshjes mes Ramës dhe Bashës, ku u pranua paketa McAllister+, si dhe u vendos shtyrja e zgjedhjeve me një javë.
Kështu, janë publikuar foto nga betimi i ministrave dhe zv/kryeministrit me Presidentin Nishani, por ajo që u vu re ishte mungesa e kryeministrit Edi Rama.
Ministrat e rinj që u betuan mbrëmë:
1- Ledina Mandia në postin e Zv/kryeministrit,
2- Dritan Demiraj në postin e ministrit të Brendshëm,
3- Helga Vukaj, Ministër i Financave,
4- Gazmend Bardhi, Ministër Drejtësie,
5- Mirela Karabino, Ministër i Arsimit dhe Sportit,
6- Arben Beqiri, Ministër i Shëndetësisë,
7- Xhuljeta Kërtusha, Ministre e Mirëqenies Sociale.
