Pentagoni ka njoftuar se po rindërton një flotë detare që do të forcojë praninë e SHBA dhe NATO në Oqeanin Atlantik, pas tensioneve në rritje me Rusinë.
Përmbledhjet e planit u miratuan në takimin e muajit shkurt të ministrave të mbrojtjes të NATO-s, si pjesë e një përpjekjeje më të gjerë për të siguruar sigurinë e vijave të detit dhe linjave të komunikimit midis Evropës dhe Amerikës së Veriut.
“Rikthimi në konkurrencën e madhe të fuqisë dhe një rigjallërim i Rusisë kërkon që NATO të rifokusohet në Atlantik për të siguruar përforcim të dedikuar të kontinentit dhe për të demonstruar një efekt të aftë dhe të besueshëm të parandalimit”, tha Johnny Michael, zëdhënës i Pentagonit. Ai tha se komanda e re “do të jetë çelësi i sigurisë transatlantike”.
Vendimi pasqyron shqetësime në rritje nëpër Evropë dhe brenda NATO-s mbi praninë ushtarake dhe patrullimet ushtarake në rajonin e Atlantikut. Sipas planit të ri, SHBA do të ngrejë selinë e re të Komandës Atlantike të NATO-s në Norfolk të Virxhinias.
Sekretari i Përgjithshëm i NATO-s Jens Stoltenberg u tha gazetarëve në shkurt se “kemi parë një Rusi shumë më të sigurt, kemi parë një Rusi që për shumë vite ka investuar shumë në aftësitë e saj ushtarake, ka modernizuar aftësitë ushtarake, të cilat ushtrojnë jo vetëm forcat konvencionale por gjithashtu forca bërthamore. “
Për specialistet është e qartë se një vendim i tillë reflekton shqetësimet e vena re në mbare Evropën, por edhe brenda NATO-s nga rritja e pranisë ushtarake ruse dhe shtimi i patrullimeve të forcave të Moskës në zonën e Atlantikut.
Plani i rritjes së pranisë në Atlantik u miratua në parim gjatë një takimi të ministrave të Mbrojtjes së NATO-s në shkurt, si pjesë e përpjekjeve për të rritur sigurinë në vijat detare dhe linjat e komunikimit në mes të Evropës dhe Amerikës Veriore.
Zyrtarë të NATO-s pohojnë se Rusia i ka shtuar patrullimet në Detin Baltik, Atlatikun Verior dhe në Arktik, edhe pse flota detare e saj është më e vogël nga sa ka qene në kohën e Luftës së Ftohtë. TIRANA TODAY
