Shakira ka kërcënuar se do të ekspozojë “sekretet” e ish-partnerit Gerard Pique, nëse ai nuk do ta linte të merrte fëmijët e tyre në Miami.
Këngëtarja u takua së fundmi me yllin e sportit për të gjetur një zgjidhje, ndërsa ata vazhdojnë të luftojnë për kujdestarinë e fëmijëve të tyre, Sasha dhe Milan, sipas një raporti të publikuar nga gazeta spanjolle “Marca”. Megjithatë, futbollisti refuzoi ta linte këngëtaren t’i çonte fëmijët e tyre në Florida. “Shakira e ka kuptuar që nuk e njihte burrin me të cilin jetonte”, ka treguar një burim i brendshëm për Informalia. “Ajo nuk do të ndalet”.
Burimi tha se një nga arsyet që këngëtarja 45-vjeçare nuk dëshiron të jetojë në Barcelonë, është sepse nuk e duron dot të jetojë kaq pranë familjes së Pique. “Ajo është e gatshme të bëjë gjithçka”, shtoi burimi. “Ajo nuk ishte e panjohur për lojën e Piques, por ajo kurrë nuk mendoi se ai kishte qenë i pabesë që nga viti kur ata ishin takuar”.
“Ka disa surpriza që nuk do të lënë askënd indiferent ndaj rastit. Ata dinë gjëra që do ta lëndojnë shumë dhe jo vetëm në lidhje me dy çështjet familjare”, thuhet më tej në raport.
Burimi tha se njerëzit që e njohin Shakirën thonë se Pique “e ka bërë veten një armik të padëshiruar” dhe ai është i vetëdijshëm për dëmin që ajo mund t’i bëjë reputacionit të tij. Çifti njoftoi ndarjen e tyre në fillim të këtij muaji dhe që atëherë ka trajtuar çështje që lidhen me kujdestarinë e fëmijëve të tyre. Tani, të dyja palët ia kanë dorëzuar çështjen avokatëve të tyre përkatës.
Burimi i lajmit: Geo News. Përshtatur nga Tirana Today
