Një ndër tetë këshilltarët ndërkombëtarë të procesit të Reformës në Drejtësi, 71-vjeçari John Leonardo, është i besuari i Amerikës për këtë punë të rëndësime. I kontaktuar nëpërmjet email-it nga FaceTime ai u është përgjigjur një serë pyetjesh, për mënyrën se si po ecën puna për procesin e Reformës në Drejtësi. Ai i ka dhënë përgjigjeje pyetjes se kur do të nisë puna për verifikimin e 800 gjykatësve dhe prokurorëve që janë të korruptuar ose jokompetentë si kusht për pranimin e vendit në BE, shkruan Tirana Today.
https://tiranatoday.com/kush-eshte-njeriu-hije-donald-lu-qe-te-skanoje-gjyqtaret-e-korruptuar/
“Dëgjimet e para kanë gjasa të ndodhin në pjesën e fundit të shkurtit. Ata po supozojnë se ky proces do të zgjasë katër deri në pesë vjet. Është e vështirë të imagjinohet se si do të jetë kur dëgjimet fillojnë, sepse do të jetë më intensive. Dhomat e dëgjimit janë shumë të vogla. Ata janë për gjashtë ose shtatë persona. Gjithçka do jetë e regjistruar me video”, është shprehur Leonardo.
Sipas tij: “Ka korrupsion shumë të shfrenuar në këtë vend dhe në shumë në fusha si: Policia, gjyqtarët, prokurorët. Sidomos Ballkani në përgjithësi e ka pasur këtë çështje. Vendet që ndodheshin pas Perdes së Hekurt në shekullin e 20-të, duket se kanë këtë problem”.
Ndërsa duke folur për mënyrën e funksionimit të procesit Leonardo është shprehur se: “Shqiptarët ndryshuan kushtetutën e tyre vitin e kaluar për të kërkuar që të gjithë gjyqtarët dhe prokurorët në vend t’i nënshtrohen një procesi verifikimi për të mbajtur vendet e tyre të punës. Ligji i ri krijoi një komision verifikimi, i përbërë nga 12 avokatë shqiptarë të zgjedhur nga Parlamenti Shqiptar, të cilët do të ulen në panele për hetimin dhe dëgjimin e provave për secilin prej këtyre gjyqtarëve dhe prokurorëve lidhur me tri fusha: pasuritë e pashpjegueshme, shoqërimi me kriminelët e njohur dhe aftësi profesionale”. TIRANA TODAY
