Besnik Hasi ndërpret pushimet, ja kë ekip do të drejtojë

Besnik Hasi ka ndërprerë pushimet, ai do të jetë trajneri i ri i skuadrës në Arabinë Saudite Saudi Al-Raed Fc. Por gjatë prezantimit të tij klubi ka bërë një gafë duke e prezantuar me flamurin e Belgjikës dhe jo atë shqiptar. Hasi do të jetë pasardhës i trajnerit të shkarkuar Mark Bryz. Ky i fundit u shkarkua nga presidenti i klubit për rezultate jo të mira.Besnik Hasi u shkarkua disa kohë më parë nga ekipi grek Olimpiakos për ecuri negative dhe që në atë kohë nuk kishte trajnuar ekip tjetër. Hasi më parë ka qenë trajneri i Anderlecht në Belgjikë, e ndoshta kjo mund të jetë një arsye e ngatërresës së arabëve.