Besiktas i mjafton një barazim 1-1 përballë Portos për të siguruar kalimin përtej fazës së grupeve në Champions League. Kanë mjaftuar dy gola në pjesën e parë për të vulosur fatin e këtij takime që tashmë i ka ndezur më shumë shpresat për Monacon që të arrijë vendin e dytë edhe pse do të jetë një luftë e fortë.
Pjesa e parë ishte dominuar nga portugezët të cilët iua afruan golit që në minutat e para, por arrijnë ta gjejnë atë vetëm në minutën e 29’ me anë të Felipe. Ishte një skemë model ajo e shënimit të golit, që vinte pas ekzekutimit të një goditje dënimi.
Por 12 minuta më vonë kanë reaguar edhe turqit, pas një shpërthimi në të majtë nga Cenk Tosun, i cili asiston në mënyrë pefekte për Taliscan që dërgon topin në rrjetë.
Pjesa e dytë ka një fytyrë tjetër, janë vendasit më të motivuar dhe që dominojnë në çdo repart. Quaresma, Tosun dhe Babel i afrohen shumë golit të dytë, por Jose Sa kthehet në një të pakalueshëm. Turqit arrijnë të godasin edhe traversën por nuk arrijnë të gjejnë rrugën e rrjetës. Ndërsa për Porton ishte Ricardo i cili kishte një rast të artë për të shënuar, por goditja e tij edhe pse i vetëm më portierin shkon shumë larg. Ndeshja mbyllet me rezultatin 1-1 dhe Turqit arrijnë të sigurojnë vendin e parë, ndërsa Porto do të vendosë gjithçka në ndeshjen e fundit përballë Monacos.
Spartak Moscow 1-1 Maribor
Rusët zbresin në fushë me misionin për të marrë tre pikë de të përfitojnë nga përballja e dy vendeve të para, mes Sevillia dhe Liverpool. Por nuk ia arrin dot pasi Maribor ua prish festën në sekondat e fundit kur ndeshja u mendua e përfunduar. Ka qenë një ndeshje e dominuar totalisht na rusët por që rrugën e rrjetës e gjetën vetëm tetë minuta nga fundi me anë të Ze Luis. Ndërsa në sekondat e fundit të takimit është Mesanovic që finalizon në rrjetë një aksion perfekt.
