Ministrja e Arsimit, Besa Shahini, ka folur për emërimin e saj në vend të ish-ministres Nikolla. Shahini ka folur për largimin e Nikollën nga drejtimi i ministrisë, duke thënë se vendimi i Ramës nuk erdhi nga protestat e studentëve.
E ftuar në emisionin “Zonë e Lirë”, Shahini tregoi ndër të tjera se ka qenë shoqe klase me Elisa Spiropalin dhe se e njeh Erion Veliajn prej disa vitesh.
“Kam qenë shoqe klase me Elisa Spiropalin në Kanada në ’91-‘01 dhe shoqe pune me Erion Veliajn. Në 2013 kam punuar në Shqipëri, ku vëzhgoja zgjedhjet për një kompani gjermane”, u shpreh ministrja Shahini.
Si e more lajmin e emërimit në këtë post?
Unë kam qenë zv. Ministre e Arsimit për një vite e dy muaj. Për mua nuk ishte e papritur që një ditë mund të zëvendësoja ministren, por nuk e kam pritur fare që Lindita do të largohej. Isha aty tek debati i protestës dhe studentët u pyetën nëse ishte faji i ministres Nikolla që gjërat kishin shkuar deri në atë pikë, por pjesa më e madhe e studentëve nuk e kërkuan dorëheqjen e saj. Isha në mbledhjen e Partisë Socialiste kur u bë njoftimi.
Atëherë i bie që Rama e ka hequr kot ministren Nikolla përderisa studentët e donin atë…
Jo, Lindita nuk u largua për shkak të një proteste, thjesht Edi Rama bëri disa ndryshime në qeveri të njëpasnjëshme.
