Silvio Berlusconi tashmë që nuk është më në krye të Milanit flet për mënyrën sesi u zgjodh Montella në krye të klubit. Ai ka folur pa dorashka dhe ka shprehur pakënaqësitë që ka ndaj trajnerit dhe drejtuesve të rinj që investojnë shumë por pa ide e pa e ditur si funksionon futbolli.
“Edhe pse do të largohesha unë doja që në pankinë të vazhdonte të qëndronte Broki. Isha në një shtrat spitali, duke luftuar mes jetës dhe vdekjes, ndërsa aty erdhën dhe më thanë se do të zgjidhnin Montelën për pankinën… Çfarë mund të thoja në ato kushte, e aprovova pa u menduar…
Të jesh trajneri i Milanit do të thotë të kesh baza të forta, të njohësh cilësitë e lojtarëve që ke në grup, por më shpjegoni dot sesi Montela, që i është dhënë të drejtojë një klub kaq të madh mund të lërë shpesh në stol Suson dhe Bonaventurën, dy lojtarët me cilësitë teknike më të rëndësishme?!, – vazhdon të shfryjë Berluskoni, ndërsa sulmon edhe drejtuesit për fushatën e blerjeve.
– Nuk kisha parë kurrë që brenda një merkatoje vere të ndërroheshin 11-12 futbollistë brenda një skuadre. Me gjithë ato para të shpenzuara, do të kishte qenë më mirë që të blinin një kampion të madh dhe gjithçka do të kishte ecur më mirë. Realisht nuk e kuptoj këtë fushatë blerjeje”.
Në fund, thumbimin e radhës ndaj drejtuesve dhe trajnerit aktual ia jep edhe për çështjen Bonuçi. “Ajo që më nervozon më shumë dhe tregon se në këtë klub gjërat nuk po shkojnë siç duhet lidhet edhe me faktin e shiritit të kapitenit. Si mund t’ia japësh atë një lojtari që ka qenë për vite një ikonë e Juventusit… Si është e mundur kjo. Kishte plot lojtarë të tjerë që mund ta meritonin te Milani”.
AC Milan hyrjet në merkaton e verës 2017
Leonardo Bonucci – Juventus – £37.8 million
Andre Silva – Porto – £34.2 million
Andrea Conti – Atalanta – £22.5 million
Hakan Calhanoglu – Bayer Leverkusen – £19.8 million
Mateo Musacchio – Villarreal – £16.2 million
Ricardo Rodriguez – Wolfsburg – £16.2 million
Lucas Biglia – Lazio – £15.3 million
Antonio Donnarumma – Asteras Tripoli – £1.35 million
Przemyslaw Bargiel – Ruch Chorzow – £313,000
Tiago Dias – Benfica – Free
Franck Kessie – Atalanta – Loan
Fabio Borini – Sunderland – Loan
Nikola Kalinic – Fiorentina – Loan
Jorgen Strand Larsen – Sarpsborg 08 FF – Loan
