As ditën e sotme në parlamentin shqiptar nuk ka patur një seancë të zakonshme. Pas fillimit të seancës parlamentare, fjalën e ka marrë ish-kryeministri Sali Berisha. Ish kreu i opozitës, ka shpërthyer në akuza e tone të ashpra, për qeverinë shqiptare.
“Edi Rama e ka nisur karrierën e këtij vendi si asnjë tjetër me një vilë. Sot i ka të ndërtuara në 4 bunkerë. Do gjeni në Google gjithçka për sarajet e Surrelit, Edi Rama heshti nuk nxorri një fjalë mbi raportin e OSBE-së. Edi Rama ka shndërruar këtë vend në proktektorat të Krimit.
Këtu nuk ka kohë, është koha e krimit. Hajde palo burra. Pse ju nuk frenoni amendamentin dhe të ulemi me ekspertë dhe të marrim ekspertët më të mirë ndërkombëtarë ta bëjmë model për mbarë rajonin.
Marrim ekspertët më të mirë dhe ulemi në tavolinë. Kjo dëshmon të drejtën e opozitës për të hedhur në koshin e plehrave ligjin. Momenti është kritik, bëtë gabimin më të rëndë që keni bërë ndonjëherë, nëse përdorni kartonat e zeza të nxira, të krimit.
ka thënë Berisha gjatë fjalës së mbajtur në parlament. Në fjalën e tij Berisha kërcënoi pozitën e parlamentit shqiptar duke bërë thirrje të tilla si: “O djem rrëmbeni armët, ja vdekje ja liri”.
Pas këtyre thirrjeve kreu i grupit parlamentar Taulant Balla ka kërkuar që deputeti Sali Berisha të përjashtohet nga seanca, pasi ka bërë thirrje anti-kushtetuese.
“Kërkoj që të merren masa ndaj deputetit Sali Berisha për thirrje anti-kushtuese në Parlament”, tha Balla.
Mësohet se grupi parlamentar i Partisë Socialiste ka paraqitur kërkesën për pëjashtimin e Berishës, byrosë së komisionit disiplinor të Kuvendit.
