Ish-kryeministri Sali Berisha dhe gazetari Blendi Fevziu janë takuar së bashku ditën e sotme. Eshtë folur shumë lidhur me një raport të prishur mes tij dhe Berishës që pas nje daljeje te fundit ëe ish-kryeministrit në një emsion të vitit 2013.
Ata janë fotografuar së bashku në zyrën e ish-kryeministrit, teksa kanë shtrënguar duart me njëri-tjetrin, ashtu si duket në këtë foto postuar nga këshilltarja e Berishës, në rrjetet sociale.
Vetë Fevziu është pyetur shumë herë për një raport të prishur me ish kryeministrin për të cilin ka dhënë disa herë përgjigje.
Në një koment të fundit, pikërisht në 20 vjetorin e emisionit “Opinion”, pyetur nëse i kishte dërguar ftesë Berishës ai dha këtë përgjigje:
Nuk kam punuar ndonjëherë për Berishën që të largohesha prej tij. Unë kam pasur një raport më miqësor me të, i cili në 2012 ngriu për arsye që i kam sqaruar disa herë. As kam bërë fjalë, as debat me Berishën. Thjesht nuk kemi komunikuar më, pas njërit prej emisioneve të mi.
Pse Berisha nuk i shkon në emision, Fevziu tregon raportin me ish-kryeministrin.
Në një nga daljet e tij ne “Këndin e ekselencës” në emisionin e mëngjesit “Vila 24” në News24, Fevziu është pyetur nga studentët se përse prej 5 vitesh ish-kryeministri Berisha nuk ka shkuar në studion e tij në “Opinion” dhe ka folur edhe pë raportin e tij me ish-kryeministrin.
Ai tha se kjo pyetje i duhet bërë Berishës, pasi ai e ka ftuar në emision, por shtoi se nuk ka pranuar të bëjë kompromise.
“Është një çështje që duhet t’ia bësh Berishës këtë pyetje. Unë ia kam bërë ftesën. Nuk kam patur ndonjë sherr me të. Personat që drejtojnë emisione krijojnë konflikte me politikën. Unë nuk kam pranuar që të kemi kompromise me emisionin. Unë mund të kem miqësira personale, mund të kem bindjen time personale por kjo nuk më dikton. Nuk është çështja ime. Në shumë vite politikanë të rëndësishëm në Shqipëri nuk kanë pranuar të vijnë. Kjo është një lojë nervash, kush bie i pari”, tha Fevziu.
