Shqiponja e vendosur në sheshin e pagëzuar me të njëjtin emër në hyrje të Tiranës është hequr, për t’i hapur rrugë projektit për ndërtimin e “Unazës së Re”. Kjo gjë nuk ka shkuar kaq “paqësisht”, pasi ka shkaktuar reagime të forta. Ish-kryeministri Berisha, e ka cilësuar si një akt antikombëtar.
Simboli i Shqiponjës së vendosur në 100-vjetorin e Pavarësisë, është hequr nga sheshi “Shqiponja” mbrëmjen e së premtes, duke i hapur rrugë Unazës së Madhe të Tiranës. Monumenti u vendos aty 6 vite më parë, ndërsa në vend të tij do të ndërtohet një mbikalim me tre nivele, që do të lehtësojë trafikun.
E derdhur e gjitha në çelik dhe me një lartësi 6 metra, Shqiponja u vendos në rrethrrotullimin e Doganës në nëntor të vitit 2012, si simbol i 100 vjetorit të Pavarësisë.
