Ish-kryeministri i vendit, Sali Berisha ka deklaruar se ikja e tij nga politika është e pamundur pasi ai vet nuk ikën dot.
“ Problemi im është një status që unë kam, të cilit edhe po të dua t’i iki, nuk i iki dot” u shpreh deputeti Berisha.
Sipas ish-kreut të PD-së, arsyeja është se kontributi i tij ndër vite, në postet më të larta të shtetit e bëjnë figurën e tij në një lloj mënyre të domosdoshme për ditët e sotme.
Kjo deklaratë u bë gjatë një interviste me gazetarin Lutfi Dervishi për emisionin “Perballë” në RTSH 1.
Ndodhemi në mesin e fushatës elektorale dhe janë zgjedhjet e 9-ta parlamentare që nga viri ’91. Z. Berisha është i shtati në listën e qarkut të Tiranës. Si ndiheni me këtë numër dhe me këtë vend?
Shumë komod, absolutisht.
Komod se është vend i sigurtë?
Jo, në qoftë se numri mund të pretendohej se mund të ishte më parë, unë them se mund të ishte edhe më mbrapa. Domethënë unë kam një problem në këto zgjedhje. Problemi im është një status që unë kam, të cilit edhe po të dua t’i iki, nuk i iki dot.
Në ç’kuptim status?
Si ish kryetari i PD-së, si ish kryeministër, si ish e ish me radhë…
