Seanca e sotme ka nisur me fjalën e ish-kryeministrit Sali Berisha, i cili ka sulmuar Ramën teksa iu referuar sërish ekspozitës së këtij të fundit në Berlin.
Berisha akuzoi kryeministrin Rama se “i vuri kyçin Kuvendit, pasi shkoi në Gjermani për ekspozitën e shkarravinave.”
Ashtu, siç edhe kishte postuar me herët në faqen e tij në Facebook, deputeti demokrat deklaroi se shefi i qeverisë kishte kërkuar disa takime, por nuk e kishte pranuar asnjë.
PJESË NGA DEKLARATA
Evdin Kristaq Rama i vuri çelësin parlamentit, vrapi në Berlin për të hapur ekspozitën e tij të shkarravinat, Fuga dhe sugari Cakaj hapën lajmet se lideri i tyre, idhulli i tyre do takohej me Angela Merkel dhe kryesorët e Gjermanisë. Shkoi u kthye me bisht në shalë, nuk iu dha asnjë takim, iu ofrua një takim për ti dhënë një mesazh, të cilën ai kurrë nuk do tua thotë ju, e kam fare të sigurta se nuk është zor të monitorosh atë, në qarqet ndërkombëtare flitet për njeriun patologjik. Berlini e priti me rumorin e njeriut të sëmurë psikik, e përcolli me rumorin e njeriut patologjik.
Mirë ju që jeni ushtarë të tij, por shqiptarët që e urrejnë gjer në palcë, urrejtja po rritet si temperatura në ethet e malaries, asgjë nuk e shpëton Edvinin tuaj, ndaj dhe mundësisht na jep pak sqarime me ç’’motiv i vutë drynin Kuvendit ditën e enjte, punon njeriu gjithë javën vjen e gjen drynin se i sëmuri patologjiku si po e quajnë rëndom ndërkombëtarët do të shkonte që mes shkarravinave.
Ndërkohë kryeparlamentari Gramoz Ruçi ka sqaruar se në datën 24 janar nuk ka pasur në kalendar seancë plenare:
“Sa për sqarim në datën 24 janar nuk ka pasur seancë plenare në kalendar pasi sesioni i ri fillonte në datë 21. Parlamenti s’ka qenë i bllokuar, por i është lënë koha e duhur për të përgatitur axhendën e sotme”, tha Ruçi.
