Ish-kryeministri Sali Berisha ka sugjeruar Ramën që të japë dorëheqjen, përndryshe do të “hidhet në Lanë si kalbësirë”.
Deputeti demokrat tha se ky është vetëm fillimi i tmerrshëm i Ramës, i cili bën mirë të lexojë mesazhin, përndryshe populli do e largojë me dhunë.
“Ke parë një protestues të vetëm me revole, dinamit dhe me hunj? Unë s’kam pa asnji. Pra, është një narkopolic që po provokon protestuesit mbasi e panë me sytë e tyre fundin e tmerrshëm të shtetit të Edi Ramës. Kjo revoltë është fundi politik i Edi Ramës, ta ketë të qartë se shqiptarët kanë ditë triumfi por kanë dhe ditë zbavitje me triumfin.
Diktatorët po s’dëgjuan, edhe zvarriten. Edi Rama bën mirë të dalë të informojë popullin se dha dorëheqjen. Po të dojë të rrijë se do shohë tmerr, afat nuk i jap. E patë fuqinë e revoltës, po shpërtheu ajo fuqi, edhe në Vlorë e kap Edi Ramën. Opozita është në alternativën e saj o jetë o vdekje, o votë e lirë o s’duhet të ekzistojë. Përballu me kombin dhe do përballet! Ky është vetëm një fillim i tmerrshëm për të! Të tërhiqet, ose do përfundojë në Lanë si kalbësirë.”, tha Berisha para pak minutash.
