Ish-Kryeministri Sali Berisha teksa ka folur për ngjarjet e shkurtit 1991 dhe në kuadër të 27-vjetorit të rrëzimit të bustit të Enver Hoxhës, deklaroi se PD-ja ka mbështetur grevën e studentëve.
Berisha ka pohuar se pjesë e grevës së studentëve ishte edhe vajza e tij. Gjithashtu Berisha ka treguar se ka vizituar disa herë grevistët e urisë te studentët, ju rrëfenim se çfarë kishim biseduar me Ramiz Alinë, apo çështje të tjera.
“Ramiz Alia deklaronte që referendumi për heqjen e emrit të bëhej nga të gjithë ata që kishin përfunduar Universitetin, por ne e kishim kundërshtuar duke i kërkuar që në referendum të merrnin pjesë vetëm studentët dhe trupa pedagogjike”, tha Berisha, duke shtuar se pa rezistencën e studentëve nuk do mund të rrëzohej busti i Hoxhës.
Berisha kujtoi se në 11 shkurt është peticioni i Kavajës që kërkohej heqja e emrit, në datën 12 shkurt është peticioni i Kombinatit të Autokraktorëve, më pas është deklarata e Artistëve që i thoshte Ramiz Alisë të hiqej emri i Enver Hoxhës.
“Kur diskutoja me Azem Hajdarin më tha: bëjmë një miting në shesh dhe i kthej unë njerëzit që të përmbysin shtatoren. Jo i thashë, sepse po ta bëjmë kështu, del partia tjetër dhe e vendosin prapë dhe shkon çështje inati”, kujtoi Berisha.
Ish-Kryeministri tha se slogani që ishte përgatitur për rrëzimin e shtatores së Enver Hoxha ishte “Te sheshi, te sheshi”.
“Kjo ishte një parrullë e induktuar nga PD, ne nuk e dinim si do të shkonte mitingu, por atje u mblodhën mbi 100 mijë. Dihet se kush e ka rrëzuar bustin, dihet se kush solli makinën, kush e lidhi kalon. Organizimin e ka bërë PD, shkaku më kryesor ishte greva e urisë, bustin e rrëzuan ata qindra mijëra qytetarëve që morrin pjesë”, u shpreh Berisha.
