Spektakël dhe gola ka dhuruar ndeshja mes ekipit surprizë në Serie A, Atalanta dhe kampionëve në fuqi Juventus. Porta e mbrojtur nga Berisha ka pësuar dy gola nga Bernardeschi dhe Higuain, ndërsa Bufone është mposhtur nga Caldara.
Pjesa e parë u mbyll në favor të miqve me rezultatin 1-2. Në fraksionin e dytë që në start u duk një Atalantë më kërkuese, që tregoi se nuk ishte dorëzuar. Juventus vazhdonte të dominonte lojën por rastet më të rrezikshme u krijuan nga vendasit. Kapiteni Gomez i kudondodhur i jepte fuqi ekipit duke i motivuar në cdo moment. Pikërisht nga këmbët e tij erdhi edhe aksioni që barazoi sfidën në të 67’-ën, një krosim i fortë nga majta gjen në zonë Cristante që godet me kokë dhe mposht Bufonin me shumë lehtësi.
Djemtë e Allegrit hidhen në sulm me të gjitha fuqitë e mbetura por gjuajtjet e Dybala Higuain nuk i lejon Berisha të përfundojnë në rrjetë. Në të 84’ arbitri akordon një penallti të dyshimtë për bardhezinjtë, që ekzekutohet nga ylli argjentinas Dybala, por edhe këtë herë Berisha nuk lejon topin të përfundojë në rrjetë. Dhe 2-2 mbyllet ndeshja që s’poston Juventus në vendin e dytë me pikë të barabarta me Interin.
Juventus Vinte nga 6 fitore radhas dhe ishte në të njëjtin hap me Napolin, por Aralanta është kthyer në një ‘mace të zezë’ për ekipet e mëdha në Itali dhe i sjell barazimin e parë Juves për këtë vit.
https://www.youtube.com/watch?v=52Crx1sSteo&ab_channel=IlBelloDelCalcio
