Etrit Berisha do të mbartë shiritin e kapitenit në ndeshje ne nesërme që o të zhvillohet në Antalya. në konferencën që është mbajtur ditën e sotme në kuadër të kësaj ndeshje Berisha është shprehur optimist për një rezultat pozitiv. Kombëtarja shqiptare që prej një jave është e grumbulluar në Antalya ku është edhe duke u stërvitur nga tekniku italian Panucci. Në këtë përballje do të kemi disa emra të rinj të cilët veshi për herë të parë fanellën kuqezi.
“Kemi pasur një javë për ta përgatitur këtë ndeshje dhe jemi të gjithë mjaft të kënaqur dhe optimistë. Të rinjtë që janë afruar kanë sjellë freski në ekip. Kualifikimi për Europian për ne fillon që nesër, sepse duhet të vlerësojmë çdo ndeshje si finale nëse duam të jemi një ekip i fortë,-u shpreh fillimisht Berisha.
Turqia nuk vjen në formën më të mirë në këtë përballje dhe ka disa emra të rinj edhe ajo në ekip që do të kërkojnë të shfaqin kualitet për të bindur teknikun Luçesku, i cili në rast rezultati negativ mund ti ketë ditët e numëruara.
Turqia ka disa emra të rinj, por kanë edhe kualitet. Edhe ata janë në një lloj tranzicioni, por për ne e rëndësishme është të përfaqësohemi sa më mirë në fushën e lojës. Nuk ka rëndësi kush zbret në fushë, ne jemi të gjithë gati për këtë sfidë,”-përfundoi gardiani i portës kuqezi dhe të Atalantës.
