Ish-kryeministri Sali Berisha ka deklaruar sonte se Agron Xhafaj e meritonte 100 herë atë audio-përgjim që publikoi Partia Demokratike. I ftuar në emisionin ‘Studio e Hapur’ në ‘News24’, Berisha theksoi se audio-përgjimi i publikuar nga PD-ja është autentik.
Lideri historik i PD-së deklaroi se emërimi i Fatmir Xhajat kishte një qëllim; trashëgimin e kodit të drogës.
“Absolut. Ai është Agron Xhafaj i regjistruar me sukses të plotë. Përpjekja e tij tregon se sa të transfiguruar dhe inkriminuar e ka koshiencën ai. Tregon se ai meritonte 100 herë atë regjistrim. Tregon se emërimi i Fatmir Xhajat kishte një qëllim; trashëgimin e kodit të drogës,” deklaroi Berisha.
