Detaje të reja kanë dalë në dritë sa i takon zhdukjes së një biznesmeni grek, më konkretisht në zonën ku dhe ndodhi vrasja e bujshme e 20-vjeçares nga bashkëshorti. Biznesmeni 53-vjeçar Stavros Dogiakis, është zhdukur në Glyka Neras në Greqi.
Sipas informacioneve paraprake të publikuara në mediat greke, thuhet se 53-vjeçari ka lënë një shënim për vëllanë e tij. Sa i takon letrës në fjalë, ai e bën vëllanë e tij trashëgimtar të pasurisë që ka.
Kjo ka shtuar edhe më tej pikëpyetjet lidhur me zhdukjen e tij, duke lënë provat se e ka mirëmenduar largimin e tij. 53-vjeçari Stavros Dogiakis, pronari i tavernës “Kritikos” në Kantza, është zhdukur prej ditës së diel në mbrëmje. Familjarët kanë njoftuar autoritetet, ndërsa kanë nisur nga hetimet për gjetjen e tij.
