Partia e Aleksandër Vuçiç ka fituar më shumë se 45% të votave në zgjedhjet lokale të mbajtura dje në Beograd.
Kjo është konfirmuar nga vetë Vuçiç, udhëheqës i Partisë Progresive Serbe, teksa ka thënë:
“Është shfaqur fytyra e vërtetë demokratike e vendit tonë, qytetarët kanë ardhur në zgjedhje në mënyrë paqësore dhe demokratike, pavarësisht nga presionet e shumta”, ka thënë Vuçiç.
Edhe pse pritet që rezultati përfundimtar të shpallet sot, Vuçiç theksoi se SNS ka fituar më shumë se 45% të votave, duke e cilësuar atë si arritjen e tyre më të mirë në kryeqytet, pasi kanë një shumicë absolute.
Vuçiç ka shtuar se fushata për zgjedhjet lokale në Serbi ishte ‘tmerrësisht e ndotur’ dhe se për këtë do të flasë gjatë ditëve në vijim.
