Policia bëri të ditur se ditën e sotme u godit një banesë, që ishte kthyer në një laborator të përpunimit të lëndës narkotike, ku u arrestuan 5 shtetas.
Droga u gjet në banesën e Gazment Allkajt, i cili u arrestua së bashku me katër gratë, Leonora Jaupaj, Flora Jaupaj, Olimbi Jaupaj, Irma Jaupaj.
Burime nga policia e Fierit raportojnë se Leonora Jaupaj, Flora Jaupaj, Olimbi Jaupaj dhe Irma Jaupaj kishin lidhje farefisnore me njëra-tjetrën, sipas policisë ata ishin kunata dhe bënin përpunimin e lëndës narkotike.
Banesa ku u gjet droga ndodhej në fshatin Çorush dhe sasia e sekuestruar është 349 kg.
Njoftimi i policisë:
Mallakastër
Policia godet një rast të prodhimit dhe shitjes së lëndëve narkotike, arrestohen në flagrancë 5 shtetas
Policia e Fierit ka arrestuar në flagrancë shtetasit:
1.Gazment Allkaj, 24 vjeç
2.L.J., 41 vjeçe
3.F.J., 30 vjeçe
4.O.J., 47 vjeçe
5.I.J., 31 vjeçe.
Arrestimi u bë pas informacioneve operative se në banesën e shtetasit Allkaj ishte në proces përpunimi një sasi lënde narkotike kanabis.
Në banesën në fshatin Çorush është gjetur dhe sekuestruar në cilësinë e provës materiale rreth 349 kg lëndë narkotike, një pjesë në proces përpunimi.
Materialet proceduriale i kaluan Prokurorisë pranë Gjykatës së Shkallës së parë Fier për veprën penale “Prodhimi dhe shitja e narkotikëve”.
