Policia e Tiranës ka finalizuar me sukses paraditen e sotme operacionin e koduar “Euro”.
Nga komunikata për shtyp e policisë mësohet se si pasojë e këtij operacioni kanë rënë në pranga 3 persona.
Sipas të dhënave të bëra publike të arrestuarit janë Kliton Nanushi, Juljan Mehmeti dhe Kleart Kalemi të cilët dyshohet se për rreth 2 muaj bënin pagesa në dyqane e pika karburantesh me monedha euro të falsifikuara.
Sakaq, mësohet se 35 vjeçari Nanushi, i cili është banues në Tiranë, i dënuar më parë për shfrytëzim prostitucioni.
Gjatë operacionit policia sekuestroi në cilësinë e provës materiale 500 euro.
Finalizohet me sukses operacioni i koduar “Euro”
Sekuestrohen 500 € të dyshuara të fallsifikuara Në pranga tre shtetas Më datë 06.06.2017, Specialistët e Seksionit të Krimit Ekonomik në Drejtorinë Vendore të Policisë Tiranë, në bashkëpunim me Sektorin për Krimin Ekonomik dhe Financiar të Drejtorisë Vendore të Policisë Durrës dhe Prokurorinë e Rrethit Gjyqësor Tiranë, kanë finalizuar me sukses operacionin e koduar “EURO”, në kuadër të të cilit janë arrestuar në flagrancë shtetasit: –
-Kliton Nanushi, 35 vjeç, banues në Tiranë, i dënuar më parë për shfrytëzim prostitucioni
-Juljan Mehmeti, 27 vjeç, banues në Përmet.
-Kleart Kalemi, 19 vjeç, banues në Tiranë, i dënuar me parë për vjedhje. Këta shtetas dyshohen se përreth dy muaj, në dyqane të ndryshme, pika karburanti dhe lokale në Qytetin e Tiranës dhe të Durrësit, bënin pagesa me kartmonedha të prerjeve 50 euro të dyshuara të fallsifikuara.
Në mometin e arrestimit këtyre shtetasve, u janë gjetur me vete 500 Euro, të dyshura të fallsifikuara. Në cilësinë e provës materiale, janë sekuestruar:
– Një armë e ftohtë thikë me palosje me mbishkrimet Stainless
– Tre aparate telefonike të markave të ndryshme
– 10 kartmonedha me prerje 50 Euro
– 3 kartmonedha me prerje 5000 Lekë
– 2 kartmonedha me prerje 1000 Lekë
– 2 karta sim Materialet proceduriale i’u kaluan
Prokurorisë pranë Gjykatës së Shkallës së Parë Tiranë, për veprën penale “Fallsifikim i monedhave”, kryer në bashkëpunim dhe “Prodhimi, mbajtja, blerja pa leje e armëve të ftohta”, parashikuar nga Nenet 183-25 dhe 279 të Kodit Penal.
