Katër shtetas kanë rënë në pranga, pasi dyshohet se janë autorë të 13 vjedhjesh banesash të ndodhura më parë në qytetin e Kavajës dhe fshatrave përreth.
Komisariati i Policisë Kavajë në bashkëpunim me Prokurorinë pranë Gjykatës së Shkallës së Parë Kavajë finalizuan operacionin policor të koduar “Perimetri”.
Në pranga ranë shtetasit:
- I., 25 vjeç
- K., 27 vjeç
- P., 43 vjeç
- L., 19 vjeç
Materialet proceduriale i kaluan Prokurorisë pranë Gjykatës së Shkallës së Parë Kavajë në ngarkim të shtetasve të lartpërmendur për veprat penale “Vjedhje e kryer në bashkëpunim” dhe “Pastrimi i produkteve të veprës penale”, parashikuar nga nenet 134/2 dhe 287 të Kodit Penal.
