Një ditë më parë deputeti i PS-së, Rrahman Rraja, reagoi me anë të një shënimi në “Facebook”, ku shkruante se drejtësia të veproje dhe se mos të presin nga ai që të bëhet prokuror i djalit të tij. Ky reagim i tij erdhi pas djali i deputetit, Rexhep Rraja është akuzuar se ka përndjekur dhe dhunuar Xhisiela Malokun.
“Une Rrahman Rraja, per shume vite kryetar i komunes Nikel dhe sot deputet i PS, deklaroj:
- S’kam marre pjese ne asnje lloj presioni mbi policine dhe kam kerkuar dhe kerkoj te hetohet vendndodhja ime ate dite.
- Mos prisni nga une qe te behem prokurori i tim biri dhe mos keqperdorni fjalet e mia si baba! Po e them shume qarte qe prokuroria duhet ta hetoje ceshtjen deri ne fund.
- Familja jone dhe familja e vajzes kane marredhenie te vjetra miqesore qe jane te pandryshuara sot dhe gjithe jeten.
- Djali dhe vajza kane pasur nje marredhenie disa vjecare dhe pavaresisht asaj qe mendoj une, e perseris, kjo ceshtje i takon drejtesise, jo politikes”, shkruante dje deputeti i PS-së në “Facebook”.
Por, lidhur me këtë deklaratë të tij ka pasur një lum komentesh nga ana e qytetarëve, ku fjalori i rëndë në drejtim të djalit të deputetit nuk është kursyer. Madje në replikat që do të lexoni më poshtë të bëra mes qytetarëve, ku kanë përplasje mendimesh për këtë ngjarje, do të shikoni se disa janë në mbrojtje të djalit të deputetit e të tjerë jo. Të gjitha këto komente janë bërë në postimin e lëshuar në “Facebook”, një ditë më parë nga deputeti Rraja.
Por, ajo që vihet re, pas gjithë këtyre reagimeve nga ana e qytetarëve, deputeti nuk ka reaguar në asnjë prej komenteve. Në disa nga shënimet e qytetarëve lexohet se ata i kërkojnë deputetit që të japë dorëheqjen.
