Koreja e Jugut ndeshjen e parë në Botëror do ta zhvillojë përballë Suedisë dhe duket se trajneri Shin Tae-Yong ka një strategji të qartë për ta fituar këtë takim. Në konferencën për shtyp ai është shprehur se europianët kanë vështirësi për ti dalluar koreanët nga pamja e jashtme dhe mund të fiksojnë numrat që mbajnë në bluzë. Për këtë arsye ai në ndeshjet e fundit i ka ndërruar numrat në fanellat e futbollistëve të tij plot katër herë.
Një strategji e çuditshme nga trajneri korean, pasi duke shpërqendruar kundërshtarin me numrat e fanellave shpreson të krijojë më shumë hapësira dhe pse jo të fitojë. Duke pasur parasysh forcën që ka Koreja e Jugut në fushën e lojës ka zgjedhur një strategji tjetër për të fituar në këtë Botëror, mbete për tu parë se sa do të funksionojë.