Lionel Messi është padyshim idhulli i Bracelonës dhe ka ngelë i vetmi nga brezi i artë ku kishte në krah Iniestan e Xavin. Ylli argjentinas kur është pyetur për të ardhmen e tij është shprehur se nuk e imagjinon të luaj në një klub tjetër europian përveç Barcelonës. Por ai e lë të hapur mundësinë e largimit nga katalanasit dhe ta mbyll ëndrrën tek ekipi i cili hodhi edhe hapat e para.
Bëhet fjalë për klubin ku Mesi hodhi hapat e para si futbollist, Newell’s Old Boys, para se të shkonte në Barcelonë në moshën 13-vjeçare. Që atëherë Mesi ka shënuar 552 gola si profesionist të Barça, duke fituar çdo trofe të mundshëm.
Tashmë 30-vjeçari e pranon se në Europë asnjë klub nuk ka shans ta marrë, por konfirmon se ëndrra e tij mbetet skuadra e fëmijërisë: “Po bëhet gjithnjë e më e qartë që Barcelona do jetë klubi im i vetëm në Europë. Me pas, do doja të luaja në Argjentinë, por nuk e di a do ndodhë. Do doja të luaja qoftë edhe 6 muaj, apo edhe pak ndeshje. Jam rritur duke ëndërruar të luaja për Newell’s, shkoja në ndeshjet e tyre me babait, vëllain apo shokët. Më pas jeta më çoi gjetkë, por nuk e kam harruar fëmijërinë time”.
