Claudio Marchisio ia kushtoi gjithë karrierën e tij në futboll skuadrës së Juventusit dhe në fund shkëputi kontratën me pëlqim nga të dyja palët pasi e shihte të pamundur të gjente hapësira te bardhezinjtë. Ai ka lindur në Torino dhe i ka kaluar të gjithë ekipet e moshave të Juves, duke arritur në të parin dhe të lëri gjurmë të mëdha, e duke krijuar një emër të madh.
32-vjeçari tashmë u ka dhënë fund spekulimeve se me kë ekip do ta vazhdojë karrierën, pasi ka firmosur një kontratë dy vjeçare me ekipin rus të Zenit St Petersburg.
Benvenuto, Claudio
Claudio Marchisio is officially a Zenit-player!#MarchisioIsZenit pic.twitter.com/fAOBSEtyWZ
— FC Zenit in English
(@fczenit_en) September 3, 2018
Për Marchision interesim kishin shfaqur shumë klube jashtë Italisë, duke përfshirë Monaco, Paris Saint-Germain, Nice dhe MLS Montreal Impact. Megjithatë, ai ka zgjedhur të shkojë në Rusi për të mbrojtur fanellën e Zenit St Petersburg.
