Alisson Becker, portieri i Romës është duke kaluar një formë fantastike. Ai ka qenë deciziv për ekipin e drejtuar nga Di Franccesco pothuajse në të gjitha ndeshjet me pritjet e tij. Së fundmi qarkullojnë zëra se ai është vënë nën shënjestrën e gjigantit spanjoll, Real Madrid dhe kjo gjë e ka bërë mjaft të lumtur brazilianin.
“Interesimi i Real Madridit për mua më bën të lumtur, nuk dua të mohoj”, tha ai për Globo Esporte. “Këto janë kënaqësi për karrierën së një lojtari. Jam shumë i lumtur kur një klub apo gazetar flet mirë për mua, kjo do të thotë se po bëj punë të mira”.
Alisson është mjaft i kënaqur me interesimin e madrilenëve, por nga ana tjetër këmbëngul që është i lumtur tek romanët dhe se nuk ka në mend të largohet. “Paramendoni kur një klub si Real Madrid e bën këtë … por për momentin jam i përqendruar te romakët. Unë kurrë nuk kam ndjerë i nënvlerësuar këtu. Në fillim nuk ishin në gjendje të më vlerësonin. Kam pasur një vit të vështirë, pasi që nuk kam luajtur aq shumë sa kam dashur”.
“Këtu në Itali thuhet se viti i parë shfrytëzohet për të kuptuar futbollin italian dhe ky ishte rasti, edhe pse u ndjeva i gatshëm të luaja kur mbërrita në Itali. Jam i lumtur këtu në Romë, duke bërë shfaqje të mira dhe duke e ndihmuar ekipin të arrijë objektivat. Dua të vazhdoj me Romën deri në fund të sezonit në mënyrë që të kem vazhdimësi edhe me Brazilin”, pohoi portieri brazilian.
