Kabineti “Rama” mori vëmendjen e duhur nga të gjitha mediat, e shumë gazetarë e analistë e sollën në versionin e tyre pse ndodhën këto lëvizje, në kohën kur Shqipërinë e kishin “pushtuar” protestat. Në këndvështrimin e gazetarit Flamur Vezaj, kjo lëvizje nga ana e kryeministrit Rama, nuk ishte gjë tjetër veçse një taktikë tashmë e vjetër, ajo e tërheqjes së vëmendjes nga hallet e përditshme, e për tu fokosuar tek emrat e rinj, që do qeverisin këtë vend.
Me anë të një analize, të cilën ai e ka ndarë me të gjithë ndjekësit në Facebook, gazetari numëron arsyet pse e bindin atë që Rama nuk ka menduar për popullin, por për të mbuluar pasojat e pashmangshme të një moskënaqësie në masë. Ai nuk harron protestën e studentëve, korrupsionin në administratë e tenderat e paracaktuara. Për të, ministrat janë veçse firmëtarë, sikundër ata që ikën.
Ministrat e rinj të emëruar nga kryeministri Edi Rama janë Besa Shahini, Anila Denaj, Belinda Balluku, Gent Cakaj, Bledi Çuçi, Eduard Shalsi dhe Elisa Spiropali. Midis tyre, Besa Shahini dhe Gent Cakaj janë dy zyrtarët kosovarë, që priten të vendosen në krye të Ministrisë së Arsimit dhe Ministrisë së Punëve të Jashtme.
Kryeministri Rama bëri të ditur nga mbledhja e Asamblesë Kombëtare të Partisë Socialiste, se ka bërë 9 ndryshime të rëndësishme në qeveri, 7 prej të cilave në nivel ministrie.
Lidhur me këtë vendim, një koment ka përcjellë edhe gazetari Flamur Vezaj, i cili mendon se janë vënë aty si kukulla, po kështu për ti bërë qejfin disa shqiptarëve të Kosovës. Duke qëndruar në të njëjtën linjë, ai nënvizon se për asnjë arsye nuk mund të pranojë arsyetimin se nuk duhen “miratuar se janë kosovar”.
KM, rioshet e tij dhe patriotët e FB!
“Ndryshimet e detyruar te ministrave nga KM, na paskan ç’orientuar disa analiste, komentues apo edhe koleg! Miq, lëvizjet dhe emrat i ka zgjedhur vetëm qe ju te merreni me kete fakt, dhe te harroni problemet e mëdha si protestën e studenteve, korrupsionin ne administrate e tendera te paracaktuara, si dhe varfrin qe ka kapluar Shqipërinë!
Nuk dua te bie ne llumin e KM qe te merrem me emrat qe ka zgjedhur per ministrit përkatëse, pasi mendoj se me këto lëvizje KM tregoi edhe njehere se eshte ai drejtuesi i te gjithë ministrive, e këta emra janë vetëm firmetar siç ishin ata qe iken!
Por dua t’i kushtoj pak rreshta shqetësimit te disa kolegeve për ministrat riosh qe janë shqiptar te Kosoves! Ore une jam dakord qe edhe mund te qëndrojnë te gjitha, se ata janë ushtar te B.Haxhiut, jane vene aty si kukulla, janë vënë për ti bere qejfin disa shqiptareve te Kosovës, edhe per ti mbyll gojën mos ta shajne KM si “pro greke e serb”, janë vene aty pa asnjë merite dhe pa ndonjë CV te pasur etj etj…
por KURR nuk mund te pranoj arsyetimin banal e emocional se nuk duhen “miratuar se janë kosovar”! Refuzoj te pranoj arsyetime te tilla, diskriminuese e fyese per mua e disa tjerë me mend ne koke!
Nuk hy fare emrave te këtyre dy riosheve se mund te kenë 100 kusure qe nuk duhet te emërohen ministra, por fakti pse janë shqiptare te Kosovës nuk duhet emëruar kjo është e turpshme! Përveç kësaj, nuk ka asnjë rresht ne Kushtetuten e Shqiperise qe sanksionon një gjë te tille! Etj, etj!
Habitem me keta koleg, mes shume problemeve te tjera qe ka kjo qeveri, pse nuk kërkuan mos te emërohet F. Xhafa, nje hetues i regjimit komunist, por nuk u ndjen! Pse nuk kundërshtuan emërimin e kryetarit te Kuvendit nje tjeter drejtues te regjimit komunist! Nuk e di pse nuk folën për emërimin si ministër te nje greku si S.Ksera ne qeverinë e kaluar, apo postet qe ka mbajt greku tjeter V.Dule ne qeverit shqiptare!!?
Kështu qe miq, gjeni arsyetime me te logjikshme, dhe mos shkruani thjesht për te thëne qe bëra diçka kundër KM!”, shkruan gazetari.
