Bashkimi Evropian nuk ka vonuar që të reagojë lidhur me vendimin e autoriteteve të Kosovës, për të mos i lejuar presidentit të Serbisë, vizitën në fshatin Banjë të komunës së Skenderajt.
Zëdhënësja e BE-së, Maja Kocijancic, tha se Bashkimi Evropian shpreh keqardhje për vendimin e autoriteteve të Kosovës.
“Kërkojmë nga të gjithë përgjegjësit për rendin që të garantojnë sigurinë dhe kalimet (qarkullimin) e lirë gjatë ditës.
Angazhimi i plotë për ruajtjen e paqes dhe sigurisë së njerëzve në Kosovë dhe popullit serb, mençuria dhe qetësia, janë ato që nevojitet tashmë”.
Sipas saj, vizita e Vuçiç ka kaluar qetë me angazhimin e të gjithë aktorëve përgjegjës, deri në momentin e bllokimit të rrugës për vizitën në Banjë të Skenderajt.
