Komiteti i PE voton pro liberalizimit të vizave për Kosovën.
Me 30 vota pro, 10 kundër dhe 2 abstenime, ky komitet i PE-së ka kaluar çështjen e liberalizimit për kosovarët tashmë tek Parlamenti Evropian dhe Këshilli për Marrëveshje nder-institucionale për Liberalizim.
Eurodeputetja e raportuesja për liberalizimin e vizave me Kosovën, në Parlamentin Evropian, Tanja Fajon, ka kërkuar mbështetje për liberalizimin e vizave për Kosovën, duke e konsideruar se ajo ka mbetur e bllokuar në rajon.
“Janë më të izoluarit në Ballkan, dhe është shumë e vështirë. Dua nga ju që të mbështesni Kosovën në luftën e saj për vizat, dhe tani të votoni për liberalizimin e vizave për Kosovën”.
Në pjesën e fundit të muajit korrik, Kosova mori rekomandimin pozitiv nga Komisioni Europian në lidhje me lëvizjen e lirë të qytetarëve në Zonën Schengen, ndërsa ky rekomandim duhet të marrë dritën e gjelbër edhe nga instancat e tjera të BE-së.
https://tiranatoday.com/tanja-fajon-kosova-e-meriton-liberalizimin-e-vizave/
