Strategjia dhe mënyra e funksionimit të sektorit të shëndetësisë dhe fondet që alokohen për këtë pjesë, janë tregues të prespektivës së një vendi. Por, ku është Shqipëria dhe cila është situata në këtë sektor mjaft jetik për shërbimet ndaj popullsisë.
Shqipëria renditet në një pozitë jo të mirë në këtë drejtim, pasi shpenzimet në këtë sektor, janë më të ulëtat në rajon, krahasuar me raportin e Prodhimit të Brendshëm Bruto, por edhe stafi që ka aktualisht sektori i shëndetësisë është joefektiv dhe me studime që nuk kanë lidhje me punën që ata kryejnë në spitale.Banka Botërore, në një raport të publikuar së fundmi për “Rritjen ekonomike dhe prosperitetin në Ballkan” thekson se spitalet shqiptare, 35 % e stafit janë personel jo mjekësor.
Sektori i shëndetësisë, në vend të mjekëve dhe të infermierëve, të cilët duhet të ofrojnë shërbime për pacientët, vendet e punës janë të populluar me punonjës të cilët nuk kanë asnjë lidhje me fushën e mjekësisë.Sakaq, Shqipëria renditet në vendin e parë në rajon sa i përket administratës së spitaleve, të cilët nuk kanë lidhje me studimet në fushën e mjekësisë.
“Banka Botërore këshillon që vendet e Ballkanit dhe veçanërisht Shqipëria duhet të ekonomizojë më mirë shpenzimet për shtresat në nevojë të popullsisë. Synimi më i mirë do të ishte që të uleshin shpenzimet bruto për të rritur financimet për segmentet e shoqërisë që kanë më shumë nevojë. Në vendet ku shpenzimet shtetërore janë të mëdha, reduktimet do të lehtësonin presionin ndaj llogarive fiskale dhe do të zvogëlonin borxhin”-shkruan Monitor.al.
Ky raport tregon se situata është e rëndë, në spitalet e vendit ku disa ditë më parë tetë mjekë të QSUT-së, me anë të një memoje i kanë dërguar ministrisë së Shëndetësisë, kryeministrit Rama dhe presidentit Meta, kërkesën për dorëheqje. Sipas mjekëve, kërkesa për dorëheqje vjen pasi kushte në të cilat punojnë bluzat e bardha janë shumë të rënda. Menjëherë Ministria e Shëndetësisë, ka kërkuar mbledhje me mjekët për të kuptuar situatën e rëndë.
Normat e jetëgjatësisë, vdekshmëria foshnjore dhe amtare në Ballkanin Perëndimor janë më të mira se sa në vende të tjera me të ardhura të ngjashme për banorë. Por sëmundjet jo të transmetueshme janë një rrezik në rritje për shëndetin, duke e kompromentuar cilësinë e jetës dhe produktivitetin në këto vende.
