Avokati i njohur Genc Gjokutaj, i ftuar në “360 Gradë” në “Ora News”, tha se baza e Pashalimanit nuk ka kamera sigurie. Duket iu referuar rojeve, ai shtoi më tej se ata i ka zënë gjumi, pasi ka qënë ftohtë. Po kështu, avokati kërkoi një hetim serioz.
“Mirë që u vodh kjo bazë, se u shtua edhe një precedentë. Kjo vjedhje ose është abuzim, ose është çështje inventari, ose nga mënyra se si u tha këtu. Këtu është vjedhur prokuroria e Durrësit. Kanë vajtur direkt e tek armët. E kanë ditur. Ajo që është më e tmerrshmja, që baza jonë nuk ka kamera.
Nuk ka kafene pa kamera. Ata ia kanë futur gjumit të gjithë, se ka qenë ftohtë. Kjo do një hetim serioz, dhe ajo që është më shqetësuese është që prokuroria të gjejë personat”.
