Bayern Munich fitoi 2-1 klasiken ndaj Borussias së Dortmundit dhe shkurorëzuar verdhezinjtë dhe duke u kualifikuar në çerekfinalet e Kupës së Gjermanisë. Skuadra e Jup Heynckes e mbyll në mënyrën më të mirë vitin 2017-të. Bayerni kalon shumë shpejt në avantazh, ku pas traversës së goditur nga Vidal që në fillim Bayerni zhbllokoi shifrat me golin e Boateng ndërsa Muller në minutën e 40-të dyfishoi shifrat. Dortmundi e rriti shumë nivelin e lojës në pjesën e dytë duke u rikthyer në ndeshje me golin e ukrainasit Yarmolenko në minutën e 77-të. Përpjekjet ishin të shumta në minutat e fundit për të barazuar ndeshjen, por vrdhezinjtë nuk ia dolën dot dhe kështu pësuan humbjen e parë nën drejtimin e Peter Stoger dhe eliminimin nga Kupa e Gjermanisë.
Juventus 2-0 Genoa
Asnjë surprizë në sfidën tjetër atë mes Juventusit dhe Genoas. Bardhezinjtë morën një fitore të thjeshtë me rezultatin 2-0 falë golave të dy argjentinasve. Dybala në minutat e fundit të pjesës së parë kaloi në avantazh skuadrën e Allegrit, ndërkohë që Higuain i ardhur në fushë nga stoli hipotekoi kualifikimin e bardhezinjëve me golin e dytë në minutën e 76-të. Në çerekfinalet e Kupës së Italisë përveç derbit të Milanos mes Milanit dhe Interit do të kemi edhe derbin e Torinos pasi Juventusi do të sfidojë tashmë skuadrën e Sinisa Mihajlovic me objektivin për t’i shkuar deri në fund këtij kompeticioni për të mbrojtur trofeun.
