Bayer Munich ka arritur të marrë një fitore minimale 1-0, në transfertën e Hamburgut të Mërgim Mavrajt. Kjo fitore i ka ngjitur bavarezët në majën e klasifikimit me pikë të barabarta me Dortmund. Një ndeshje mjaft e vështirë për ekipin e drejtuar nga Heynckes edhe pse vendasit luajtën me 10 lojtarë për më shumë se 50’ minuta. Goli vjen si pasojnë e një rrëmuje në zonë ku protagonist ka qenë edhe Mavraj, ku përfiton Tolisso dhe e shtynë topin lehtësisht në rrjetë.
Hamburgu ndodhet në pozitat që mbylli kampionatin e kaluar dhe do të vazhdojë luftën për mbijetesë edhe këtë sezon. Ata kanë arritur të marrin vetëm 7 pikë, në 8 javë të luajtura dhe kanë arritur vetëm një barazim në 4 javët e fundit.
